Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 895-a E_elsendo el la 20.09.2019 ĉe www.pola-retradio.org

La vendreda sonsceno pri la 104-a UK en Lahtio enhavas la duan parton de la programero, en kiu al la kongresa publiko prezentis sin novaj estraranoj. En ĝi aŭdiĝas la sinprezentoj de la estraranoj SO Jinsu el Koreio, Jérémie SABIYUMVA el Burundo kaj Orlando E. RAOLA el Usono. Ni informas en la fino pri la disdivido de la estraranaj taksoj laŭ la 812-a Gazetara Komuniko de UEA.
Niaj kulturkronikaj informoj havas sociemfazan fonon. Ni informas pri la muzikalo „Ĉesigita silento”, kiu rakontas historion de personoj reakirintaj postoperacie la aŭdokapablon kaj samtempe malkovrintaj sian muzikan talenton. La alia informo rilatas al la kampanjo, kiu celas intimigi infanojn kun la legado ekde la plej fruaj vivmomentoj.
La kulturkronikaj informoj estas samtempe legeblaj kaj aŭskulteblaj post la alklako de la trabeto „kulturkronikaj informoj” ĉe nia paĝo. La programinformon akompanas interreta foto de novaj estraranoj de UEA. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 894-a E_elsendo el la 16.09.2019 ĉe www.pola-retradio.org

En la marda sonsceno pri la 104-a UK en Lahtio ni prezentas la unuan parton de la programero, en kiu al la kongresa publiko prezentis sin novaj estraranoj. En ĝi aŭdiĝas sinprezentoj de la prezidanto de UEA, Duncan Charters; de la vicprezidantoj Fernando Maia kaj Huang Yinbao – Trezoro kaj de la ĝenerala sekretario – Aleks Kadar. Duncan Charters prezentas krome la sinprezenton de la estrarano Amri Wandel, kiu pli frue devis forlasi Lahtion. La komencaj aktualaĵoj rilatas al la germana propono akcepti 25 mil enmigrantojn, kiuj celis Italion; ni informas krome pri nova kunlabora pola-ĉina projekto nun realigata en la urbo Olsztyn. La scienca temo traktas la beban balbutetadon kaj gravecon de la gepatra reago je ĝi por akceli la parolevoluon de siaj infanoj. La komencaj aktualaĵoj kaj la sciencbultena temo estas samtempe legeblaj kaj aŭskulteblaj post la alklako de la trabetoj „novaĵoj” kaj „sciencaj informoj”. La programinformon akompanas foto de novaj estraranoj de UEA dum la kongresa programero „Nova estraro sin prezentas”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

 

Play

La 893-a E_elsendo el la 13.09.2019 ĉe www.pola-retradio.org

En la vendreda sonsceno pri la 104-a UK en Lahtio ni prezentas renkontiĝon ĉe la giĉeto de la 105-a UK en Montrealo, en kiu partoprenis la deĵorantaj tie Normand Floury, Ĵenja Zviereva kaj Joe Amis el Kanado. Ilia giĉeto havis strategian lokon en la kongreseja vestiblo, kie kruciĝis vojoj horizontale kaj vertikale. Tie ni renkontis ankaŭ multajn amikojn de niaj elsendoj. Inter ili estis LKK-anino, nia aŭskultantino Synnöve Myntinnen el Finnlando.
La komencaj kulturkronikaj informoj rilatas al la saksaj porcelanaĵoj en la kolektoj de Wawel-kastelo en Krakovo, nun aparte ekspoziciataj; ankaŭ al interesa ekspozicio de pipoj el la ĉeĥa Košice en la muzeo de Rzeszów en la sudorienta Pollando. E-komunumaj informoj koncernas la rete legeblajn kaj elŝuteblajn fabelojn de Eroŝenko ĵus tradukitajn el la japana kaj disponigitajn pdf-dosiere [https://sites.google.com/site/erosxenko125/files/fabeloj-de-erosxenko] kaj la Omaĝrenkontiĝon al Lucija Borčic en Zagrebo, Kroatio, dum kiu estos i.a. anoncitaj rezultoj de tradukkonkurso de la Kroata Esperantista Unuiĝo [https://www.hes-keu.hr/]. Ni memorigas, ke jam post unu semajno en la pola Poznano komenciĝos la kultura festivalo ARKONES – http://www.arkones.org/. Inter planitaj koncertoj estas i.a. tiu de ĴeLe. Ni prezentas mallongan specimenon el ĝia Lahtia koncerto.
La programinformon akompanas foto de aparta eksponaĵo de la saksaj porcelanaĵoj el Wawel-kolekto, plurfigura sceno „Krucumo de Kristo”.
Kulturkronikaj informoj estas samtempe legeblaj kaj aŭskulteblaj post la alklako de trabeto „kulturaj informoj”. En la rubriko „Antaŭ la mikrofono” troviĝas eksterelsende la hodiaŭa sonsceno pri 104-a UK en Lahtio. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 892-a E_elsendo el la 10.09.2019 ĉe www.pola-retradio.org

Kadre de la sonmaterialaj rikoltoj de la 104-a UK en Lahtio nia antaŭmikrofona gasto estas hodiaŭ d-ro Ulrich Lins, kiu sian IKU-prelegon dediĉis al la figuro de germana filozofo, junaĝe lerninta Esperanton, Rudolf Carnap. Li partoprenis 4 UK-ojn –  en Dresdeno (1908), en Helsinko (1922), en Vieno (1924) kaj en Ĝenevo (1925).  Niaj aktualaĵoj kun ekonomia karaktero referencas al informoj de la Eŭropa Komisiono, laŭ kiuj Pollando estas la dua en la Unio lando efike foriganta perdojn pro la nepagado de aldonvalora imposto; al la stato de la komercaj rilatoj de la Unio (inkluzive Pollandon) kun Kanado post preskaŭ dujara funkciado de portempa interkonsento CETA. La sciencbultenaj temoj havas komunan denominatoron, kiu estas alkoholaĵoj. Ni informas pri skota artefarita lango kun granda precizeco distinganta inter viskiospecoj. La alia informo klarigas, kio estas kaj ĉu estas forigebla alkohola demenco.
Jam post 10 tagoj komenciĝos en la pola Poznano la kultura festivalo ARKONES – http://www.arkones.org/. Inter planitaj koncertoj estas tiu de ĴeLe. Koncerton kun ciganaj kantoj – kiun multaj ĝuis en Lahtio – prezentos Saŝa Pilipović. Ni prezentas mallongan specimenon el lia Lahtia koncerto.  Aktualaĵoj kaj sciencbultenaj temoj estas samtempe legeblaj kaj aŭskulteblaj post la alklako de trabetoj en nia paĝo „novaĵoj” kaj „sciencaj informoj”. En la rubriko „Antaŭ la mikrofono” troviĝas eksterelsende interparolo kun d-ro Ulrich Lins. La programinformon akompanas interreta foto rilatanta al la traktita temo „alkohola demenco”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 891-a E_elsendo el la 06.09.2019 ĉe www.pola-retradio.org

La ĉefa informo en la vendreda programo ligiĝas kun la sabata Tago de la Nacia Legado, al kiu multnombre aliĝas polaj kaj eksterlandaj esperantistoj. Informas pri ĝi broŝuro de Maria Majerczak legebla/elŝutebla ĉe la adreso https://drive.google.com/file/d/0B2Lyo2buioHARVJCRXRVcDZzbmJ5NXVoM0FseHJTcnpZTVRz/view. La komencaj kulturkronikaj informoj rilatas al ekspozicio „Batalo kaj sufero. Polaj civitanoj dum la 2-a mondmilito”, kiu estos rigardebla en kelkdek polaj kulturcentroj en la tuta mondo. Alia informo rilatas al la komenciĝonta meze de septembro unua Festivalo „Muziko de Polaj Reĝoj”. Reference al la 104-a UK en Lahtio antaŭ nia mikrofono gastas profesoro Humphrey Tonkin, kun kiu ni interparolas i.a. pri kongresaj laboroj ligitaj kun la funkciado de la Centro de Esploro kaj Dokumentado pri la Mondaj Lingvaj Problemoj. Kiel la lasta aŭdiĝos leterkesta programero.
La kulturkronikaj informoj estas paralele aŭdeblaj kaj legeblaj ĉe nia paĝo post la alklako de la trabeto „kulturkroniko”. La interparolo kun prof. Humphrey Tonkin estas aŭskultebla eksterelsende en la rubriko „Antaŭ la mikrofono”. La programinformon akompanas interreta foto rilatanta al la Tago de la Nacia Legado. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 890-a E_elsendo el la 03.09.2019 ĉe www.pola-retradio.org

La antaŭmikrofona gasto de nia marda elsendo estas prof-ino Ilona Koutny, kun kiu ni interparolas pri la komenciĝonta post kelkaj tagoj aŭtuna sesio de la Interlingvistikaj Studoj ĉe Adam Mickiewicz-universitato kaj pri la kunlabora kontrakto subskribita fine de julio inter la rektoroj de la pola universitato kaj la ĉina universitato Zaozhuang.
En la komencaj aktualaĵoj ni informas pri la polaj solenaĵoj de la 80-a datreveno de la 2-a mondmilito okazintaj semajnfine kaj pri deklaracio subskribita inter Pollando kaj Usono koncerne teknologion 5G. En la scienca bulteno ni informas pri pli ol 300 mil artikoloj el mil sciencaj periodaĵoj liverataj senpage rete de la pola Scienca Biblioteko. Krome ni peras E-komunuman informon pri la tradukkonkurso Lucija Borčić, por kiu konkursaĵojn eblas sendi ĝis la 14.09.2019 (https://www.hes-keu.hr/).
La aktualaĵoj kaj la sciencrubrika informo estas paralele aŭdeblaj kaj legeblaj ĉe nia paĝo post la alklako de la trabetoj „novaĵoj” kaj „sciencaj informoj”. La interparolo kun Ilona Koutny estas aŭskultebla eksterelsende en la rubriko „Antaŭ la mikrofono”.
La programinformon akompanas interreta foto rilatanta al la teknologio 5G. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 889-a E_elsendo el la 30.08.2019 ĉe www.pola-retradio.org

Nia komenca kulturoniko enhavas informon pri interesa ekspozicio-instalaĵo en la varsovia artgalerio Kordegarda „Paŝado en la ĉielon”, referencanta al la gravaj septembraj datrevenoj en Pollando, i.a. la 80-a datreveno de la eksplodo de la 2-a mondmilito, la germana kaj sovetunia agresoj. La alia informo rilatas al esperantista kontribuo al la Tago de la Nacia Legado, okazonta la 7-an de septembro.
Nia marda sonmaterialo el la 104-a UK en Lahtio enhavas intervjuon kun  Osmo Buller, kiu kiel komitatano B dividis fine de la kongrestagoj siajn rimarkojn pri la nunjaraj laboroj de la Komitato kaj situacio de UEA fone de ili.
En la fino ni proponas Leterkeston.
La kulturkronikaj informoj estas paralele aŭdeblaj kaj legeblaj ĉe nia paĝo post la alklako de la trabeto „kulturkroniko”. La interparolo kun Osmo Buller estas aŭskultebla eksterelsende en la rubriko „Antaŭ la mikrofono”.
La programinformon akompanas interreta foto rilata al la ekspozicio-instalaĵo en la varsovia artgalerio Kordegarda. „Paŝado en la ĉielon”.
La elsendo estos aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 888-a E_elsendo el la 27.08.2019 ĉe www.pola-retradio.org

Nia marda sonmaterialo el la 104-a UK en Lahtio enhavas interparolon kun profesoro Jouko Lindstedt, konata finna esperantisto, lingvisto kaj akademiano. Ni interparolas pri lia rolo kiel la rektoro de la nunjara IKU, pri lia propra kontribuo al ĝia programo, pri la grava rolo de la finnaj UK-oj en Helsinko kaj Tampereo en lia vivo profesia kaj privata. Fine ni levas ankaŭ demandojn rilate Akademion de Esperanto, kies membro li estas de pli ol dudek jaroj.
La komencaj aktualaĵoj koncernas favoran starpunkton de G7 por helpi al Brazilo kontraŭbatali incendiojn en Amazonio, pri ioma malkresko de fumantoj en Pollando. La sciencbultena temo traktas apartajn proprecojn de la pola sekigita mielo.
La aktualaĵoj kaj la sciencbultena temo estas paralele aŭdeblaj kaj legeblaj ĉe nia paĝo post la alklako de la trabetoj „novaĵoj” kaj „sciencaj informoj”. La interparolo kun prof. Jouko Lindstedt estas krome aŭskultebla eksterelsende en la rubriko „Antaŭ la mikrofono”.
La programinformon akompanas interreta foto rilata al la sciencbultena temo pri sekigita mielo produktita de polaj sciencistoj.
La elsendo troviĝos ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 887-a E_elsendo el la 23.08.2019 ĉe www.pola-retradio.org

Nia vendreda sonsceno pri la 104-a UK en Lahtio enhavas fragmenton de IKU-prelego pri „La sveda lingvo en Finnlando”, kiun prezentas Jouko Lindstedt kaj Melina Bister. Ĝia resumo estas legebla rete ĉe: https://uea.org/teko/iku/2019. Sekve ni gastigas antaŭ la mikrofono finnan muzikiston, esperantiston Timo Väänänen. Li ne nur prezentiĝis dum la Nacia Vespero, sed ankaŭ donis kantelkoncerton kadre de speciala ekskurso, dum kiu oni vizitis lian hejmon kaj ĝuis aldone lian propramane pretigitan vespermanĝon.
La komencaj kulturkronikaj aktualaĵoj koncernas la varsovian ekspozicion-instalaĵon „Muroj de totalismoj” en la 80-a datreveno de la subskribo de la pakto Ribbentrop-Mołotow kaj ekspozicion en Krakovo kadre de la programo „Mirakla forto de la arto”. Ni invitas krome por la leterkesta renkontiĝo.La kulturkronikaj informoj estas paralele aŭdeblaj kaj legeblaj ĉe nia paĝo post la alklako de la trabeto „Kulturkroniko”. La interparolo kun Timo Väänänen estas krome aŭskultebla eksterelsende en la rubriko „Antaŭ la mikrofono”. La programinformon akompanas la foto de la 16-jarcenta pola pentraĵo prezentata kadre de la programo „Mirakla forto de la arto”.
La elsendo troviĝos ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 886-a E_elsendo el la 20.08.2019 ĉe www.pola-retradio.org

Nia hodiaŭa sonsceno pri la 104-a UK en Lahtio enhavas bukedon da antaŭmikrofonaj renkontiĝoj de la kongresa semajno. Kun prof. Humphrey Tonkin ni levas la defiojn starantajn antaŭ la Libroservo kaj Biblioteko Hodler de UEA, kun Rodrigo Tavares ni i.a. parolas pri lia E-laboro en Brazilo, unutaga kongresano Michał Matuszewicz referencas al sia iama aventuro kiel radioaŭskultanto kaj Juha Metsäkallas informas pri la E-aktivado en Turku kaj sia vojo al movada aktiviĝo. En tiu parto de la elsendo ni prezentas fragmente la koncertan plenumon de Amira en la kanzono „Koloroj de la vento”.
La komencaj aktualaĵoj rilatas al la sukcesoj de polaj junaj matematikistoj dum la julia Matematika Olimpiko en Londono kaj pri tio, ke polaj infanoj en Litovio povos lerni ekde la nova lernojaro baze de lernolibroj venigotaj el Pollando.
Aparte ni atenigas pri la komenciĝonta post unu monato konata kaj ŝatata kultura evento ARKONES en Poznano – http://www.arkones.org/eo/. La akompana al la programinformo foto prezentas la nunjaran varbafiŝon pri ARtaj KONfrontoj en Esperanto.
La aktualaĵoj estas paralele aŭdeblaj kaj legeblaj ĉe nia paĝo post la alklako de la trabeto novaĵoj. La interparolojn kun Humphrey Tonkin, Rodrigo Tavares kaj Juha Metsäkallas eblas aŭskulti eksterelsende en la rubriko „Antaŭ la mikrofono”.
La elsendo troviĝos ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play