Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 987-a E_elsendo el la 07.08.2020 ĉe www.pola-retradio.org

Nia hodiaŭa elsendo aŭdiĝas en momento kiam ekde la lasta vendredo centoj da esperantistoj tra la mondo ĝuas la virtualan kongreson, al kiu daŭre eblas aliĝi – https://vk.mondafest.net/ kaj kies spektaĵoj daŭre eblas rerigardi. El ĝia programo en nia hodiaŭa elsendo ni prezentas fragmentojn de sinprezentoj de ekstereŭropaj junularaj E-movadoj – la filipina kaj brazila. Alia ero estas la postprelegaj respondoj al demandoj fare de Grant Goodall gvidinta AIS-studsesion „Alproprigo de dua lingvo: ĉu ebla post la infanaĝo”. Lia prelego troviĝas en la nunjara IKU-Libro elŝutebla senpage: http://iku.trovu.com/. En la elsendo aŭdiĝas krome la kronvirusa kroniko kaj informoj pri la laŭreatoj de la distingo Cracoviae Merenti kaj pri vizitebla dum unu monato Sigismunda Kapelo ĉe Wawel-altaĵo. Muzike ni prezentas la parafrazitan kanton de JoMo „Ĉu vi ŝatas danci?… al Ĉu vi ŝatas skajpi”. La interreta foto akompana prezentas la kupolon de la Sigismunda Kapelo en Wawel. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo: Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 986-a E_elsendo el la 04.08.2020 ĉe www.pola-retradio.org

Daŭras la Virtuala Kongreso kaj al ĝia trapaso ni donas hodiaŭ apartan atenton. Ne nur informante pri kelkaj aspektoj de ĝia trapaso, sed prezentante sondokumente enkondukon en la mardan Tagon de Lernado fare de UEA kaj ILEI prezidantoj, Duncan Charters kaj Mireille Grosjean. Inter la prelegoj de la tago estis ankaŭ tiu de Monika Molnar pri „Infanrajtoj konkrete, nia-lerneje”. En la postprelega babileja renkontiĝo ni starigis al ŝi ankaŭ la demandon pri tio, kion signifas infanrajtoj en la kunteksto de Esperanto. Krom tio en la programo aŭdiĝas kronvirusa kroniko, aktualaĵo pri polaj altlernejoj en la reto de eŭropaj universitatoj. La sciencbultena temo rilatas al la ideo de la sapvezika polenado de plantoj. La akompananta interreta foto rilatas ĝuste al ĉi tiu temo. En unuopaj rubrikoj de nia paĝo eblas daŭre konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 985-a E_elsendo el la 31.07.2020 ĉe www.pola-retradio.org

Nia hodiaŭa elsendo sojlas la morgaŭan inaŭguron de la Virtuala Kongreso (https://vk.mondafest.net/). Hodiaŭ posttagmeze ni interparolis kun vicprezidanto de UEA, Fernando Maia pri kelkaj teknikaj detaloj ligitaj kun ĝi. Al la Virtuala E-kongreso ni referencas ankaŭ en nia LK informante pri nia partopreno en la virtuala Movada Foiro kaj du pliaj renkontiĝoj en babilejoj. Nian elsendon komencas kronvirusa kroniko kaj kulturtemaj informoj. Pri du interesaj eldonaĵoj koncerne malmulte konatajn atingaĵojn de poloj kaj pri grava donaco por la Centra Muzeo de Teksado en Lodzo. Muzike akompanas nin Ĵomart kaj Nataŝa kaj Ralph Glomp. Temas pri fragmentaj citaĵoj el iliaj koncertoj dum VEKI, virtuala ILEI-konferenco. La interreta foto prezentas specimenon de la pola artteksaĵo. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. En la rubriko „Antaŭ la mikrofono” estas eksterelsende aŭdebla interparolo kun Ferdinando Maia. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 984-a E_elsendo el la 28.07.2020 ĉe www.pola-retradio.org

Post la komenca kronvirusa kroniko ni proponas hodiaŭ pliajn aktualaĵojn pri la Unia helpo por tri polaj havenoj kaj pri ĝenaj aziaj noktaj papilioj, kiuj aperis i.a. en Varsovio. Nia scienca temo estas dediĉita al la teknologia akcelo, kiun spronis la kronvirusa pandemio en Ĉinio. Specialan mesaĝon okaze de MondaFest’ 2020 direktis al esperantistoj la Ĝenerala Subsekretario de la Unuiĝintaj Nacioj i.a. alvokante partopreni enketilon en Esperanto ĉe www.UN75 lige kun la 75-jariĝo de ĉi tiu organizaĵo. Ni amplekse citas ĝin en nia programo. Ĵus ni eksciis pri nova libro de Julian Modest „Tra la padoj de la vivo” aĉetebla jam ĉe UEA, pri kio ni informas fine de la elsendo. Daŭras ILEI-konferenco al kiu eblas ankoraŭ aliĝi. El ĝia bunta kultura programo ni citas fragmente kantojn de Miguel Fernandez kaj de Amira Chun el iliaj koncertoj. La akompananta interreta foto prezentas havenon en Gdynia, rilate al nia aktualaĵo pri aktualaj investaĵoj i.a. en ĝi. En unuopaj rubrikoj de nia paĝo eblas daŭre konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 983-a E_elsendo el la 25.07.2020 ĉe www.pola-retradio.org

Hodiaŭ komenciĝis virtuala, riĉenhava ILEI-konferenco 2020. Eblas al ĝi daŭre aliĝi:  https://eventaservo.org/e/ILEI-53.  El ĝia virtuala programo ni citas en nia hodiaŭa elsendo la salutmesaĝon de UEA-prezidanto, Duncan Charters, kiu samtempe enkondukas en la ĉefprelegon de la konferenco. Komence de la programo aŭdiĝas kronvirusa kroniko kaj kulturaj informoj. Ili rilatas al la ebleco vidi verkojn perditajn de Pollando kaj reakiritajn post la 2-a mondmilito kaj al la virtuala Folklora Festivalo de Polaj Montaranoj. Unu semajnon antaŭ la Virtuala Kongreso ni proksimigas la malvirtualan kongresejon de la 44-a kaj la 72-a UK-oj en Varsovio, kiu estas Palaco de la Scienco kaj Kulturo kreiĝinta antaŭ 65 jaroj. Muzike ni prezentas specimenon de Żywiec-montarana fokloro. La interreta foto bildigas la heroon de nia felietono Palacon de Kulturo kaj Scienco ĉirkaŭkonstruitan de pluretaĝuloj. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 982-a E_elsendo el la 21.07.2020 ĉe www.pola-retradio.org

En la hodiaŭa programo ni proponas aŭskulti la 97-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof. Post la komenca kronvirusa kroniko nia plia aktualaĵo rilatas al la atrakciaĵo de la somera sezono, nome la retrotrajnoj, kiuj jam komencis funkcii en kelkaj lokoj de la lando. La sciencbultena temo koncernas la kontraŭincendian akustikan estingilon, kiun proponas polaj sciencistoj. La akompana interreta foto prezentas iun el la retrotrajnoj renkonteblaj sur la polaj reloj somere 2020. En unuopaj rubrikoj de nia paĝo eblas daŭre konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 981-a E_elsendo el la 17.07.2020 ĉe www.pola-retradio.org

La nunsemajna vendreda felietono traktas  la historion de la pentraĵo „Batalo apud Grunwald” de Jan Matejko. Ĝia foto ornamis nian mardan programinformon rilate  al la pasinta tiam 610-a datreveno de la plej granda mezepoka batalo en Eŭropo. Nia kulturtema informo koncernas la retrospektan ekspozicion de Urszula Broll kaj unu el ŝiaj pentraĵoj el la reto akompanas al nia programinformo. Komence de la elsendo aŭdiĝas la kronvirusa kroniko kaj en la lasta E-komunuma parto ni informas pri Oratora Konkurso kadre de Virtuala Kongreso, interparolante kun ĝia nunjara iniciatinto, Leandro Abrahão el Brazilo. Muzike akompanas nin ĴeLe per la kanzono „Du kverkoj” el la KD „La sonĝoj”. Jonny M memorigas sian kanzonon „Dankon” el la KD „Regestilo”.  Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. En la rubriko „Antaŭ la mikrofono” aŭdiĝas interparolo kun nia antaŭmikorofona gasto. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 980-a E_elsendo el la 15.07.2020 ĉe www.pola-retradio.org

Kun la temo de parolarto, la kulturo de la parolata lingvo estas ligita interparolo kun nia antaŭmikrofona gasto Leandro Abrahão el Brazilo, kun kiu ni interparolas pri lia ĉi-kampa laboro en Brazilo kaj nun ankaŭ en la E-komunumo. Lia grupo „Lasu min prezenti plu” troviĝas jam en Telegramo, kaj nun li invitas por la premiera Internacia Parolarta Trejnado, al kiu eblas aliĝi ĝis la 24-a de julio ĉe la adreso: https://forlaflatado.com/ipt/. Komence ni proponas kronvirusan kronikon kaj aktualaĵon lige kun la 610-a datreveno de la plej granda batalo de la mezepoka Eŭropo, la batalo apud Grunwald. En scienca rubriko ni informas pri la nunjara laŭreato de Templenton-premio, Francis S. Collins. Muzike akompanas nin Manuel per fragmento de la kanzono „Akvarelo” el lia KD „Mirindaĵo”. La akompana interreta foto prezentas la tolaĵon de Jan Matejko „Batalo apud Grunwald”. En unuopaj rubrikoj de nia paĝo eblas daŭre konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. En la rubriko „Antaŭ la mikrofono” eksterelsende aŭdiĝas la hodiaŭa interparolo kun Leandro Abrahão el Brazilo. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 979-a E_elsendo el la 10.07.2020 ĉe www.pola-retradio.org

En la nunsemajna felietono pri Koninda Pollando ni prezentas la lokon Rowokół en la norda Pollando, nun arbaran-panoraman rezervejon en la Słowiński Nacia Parko. La komenca  kulturkroniko rilatas al du interesaj ekspozicioj en Krakovo (la suda Pollando). Al la prokrastita pro pandemio ekspozicio de desegnaĵoj de la renoma pola pentristo Józef Mehoffer kaj pri prezento de la afiŝoj de konata kroata artisto Boris Bućan. En la E-komunuma informo ni sciigas pri la E-versio de la sonlibro „Vi estas mia heroo”. En la komenco de la elsendo aŭdiĝas mallonga kronvirusa kroniko kaj en la fino ni renkontiĝas leterkeste. Muzike akompanas nin Patric per la kanzono „Revenante de Vilafranko” el la KD „Okcitanio” aperinta  dank’ al Vinilkosmo. Vinilkosmo produktis ankaŭ la alian KD-on „Hotel Desperado” el kiu – en la fino – aŭdiĝas fragmente la kanzono “Sunradio”. La akompana al la programinformo foto rilatas al pola pentristo Józef Mehoffer prezentante lian tolaĵon „Mirinda ĝardeno”. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009:
https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 978-a E_elsendo el la 07.07.2020 ĉe www.pola-retradio.org

Jam kelkfoje ni prezentis en niaj elsendoj sondokumentojn el la periodo de antaŭ 2011 kaj kreiĝo de Pola RetRadio. Hodiaŭ ni memorigas intervjuon kun d-ro Ulrich Lins, esploristo, historiisto de la E-movado pri lia simpozia prelego el 2005 ligita kun la 100-jariĝo de la Bulonja E-Kongreso. Ĉiujn ĉi dokumentojn ni prezentas kadre de la sondokumenta iniciato „Savi kontraŭ la forgeso”. En la komenca informa parto de la elsendo ni prezentas kronvirusan kronikon kaj aktualaĵon pri grava Unia subvencio por la naturprotektado en Pollando. La sciencbultena temo estas ligita kun esploroj pri la ŝanĝiĝo de la komunikaj informoj en la interreta epoko. Muzike akompanas nin Nikolin’ per fragmento de la konata „Somertempo” en la E-vesto. La akompana interreta historia foto prezentas kongresanojn en Bulonjo ĉe Maro en 1905. En unuopaj rubrikoj de nia paĝo eblas senĉese konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. En la rubriko „Kontraŭ la forgeso” eksterelsende aŭdiĝas la hodiaŭa arkiva sondokumento, intervjuo kun d-ro Ulrich Lins. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D