Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 856-a E_elsendo el la 24.05.2019 ĉe www.pola-retradio.org

Jam antaŭ kelka tempo atingis nian redakcion KD kun la songazeto de la kroata „Tempo”. Temas pri la numero 50/2019, el kiu ni elektis la artikolon de Antun Kovač pri la Duobla  Jubileo de la gazeto. Legas ĝin, kiel la tutan enhavon, Spomenka Štimec. El la arkivo de la E-Redakcio de Pola Radio ni prezentas al vi felietonon pri Koninda Pollando, memorigante tiun pri la urbo Sieradz. La komencaj kulturkronikaj aktualaĵoj koncernas la projekton pri la bitigo de la provizoj de la Muzeo-Kastelo en Łańcut (la sudorienta Pollando) kaj tion, ke laŭ esploroj la unuaj porcelanaĵoj el Ĉinio atingis Eŭropon jam en la 9a/10a jarcentoj. En la E-komunuma segmento ni memorigas pri la baldaŭ okazonta en la loko Łochów 38-a Kongreso de PEA. La akompananta nian programinformon interreta foto prezentas la Kastelon en Łańcut, rolanta nun kiel muzeo, kies artaj provizoj estas bitigotaj. Pri tio ni informis en la kulturkroniko. La kulturkronikaj informoj estas paralele legeblaj kaj aŭdeblaj en la koncerna rubriko de nia paĝo.La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 855-a E_elsendo el la 21.05.2019 ĉe www.pola-retradio.org

Nia hodiaŭa muzika segmento estas dediĉita al Chiara Raggi, i.a. itala kanzonistino, komponistino, tekstoaŭtorino, kies unua KD en Esperanto, „Kjara Blua Horizonto” aperis antaŭ ĉ. unu monato kunlabore inter Itala E-Federacio kaj Vinilkosmo. Ni citas specimene el kvin ŝiaj kantoj de la disko certaj, ke multaj aŭskultantoj volos kontatiĝi kaj aĉeti la diskon. Facilas tion fari ĉe https://www.vinilkosmo-mp3.com/eo/kanzono-tradicia-progresiva/kjara/1-blua-horizonto.html . La komencaj aktualaĵoj koncernas la junian viziton de la pola prezidento en Usono kaj elekton de Witold Bańka (la pola sportministro) por la nova estro de la Monda Antidopa Agentejo WADA. Ni informas krome pri la Kopernika Festivalo en Krakovo. Nia sciencbultena temo estas dediĉita al la polaj hirudoj kaj esploroj pri ilia utileco en la kosmaj flugoj. La akompana al la programinformo interreta foto prezentas la sciencan bazon Lunares, en kiu oni faras ĉi-rilatajn esplorojn. La aktualaĵoj kaj la scienca temo estas paralele aŭdeblaj kaj legeblaj en la unuopaj rubrikoj de nia paĝo. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 854-a E_elsendo el la 17.05.2019 ĉe www.pola-retradio.org

Nur antaŭ unu semajno la jubileon de sia 655-jariĝo solenis la Jagelona Universitato en Krakovo. Ĝia historio estas la temo de nia felietono el la ciklo „Koninda Pollando”.
Nia komenca informo rilatas al la fizika kaj parola agreso, kiun suferis lastmerkrede la pola ambasadoro en Israelo. En la sekva, tradicia vendrede, kulturkroniko ni parolas pri interesa ekspozicio dediĉita al matematiko kaj polaj matematikistoj en la pola Senato kaj pri brila restaŭro de malnovpresaĵo el la kolekto de reĝo Sigismundo en la Libraro de Cieszyn.
En la E-komunuma segmento ni parolas pri la daŭranta voĉdona proceduro por la Komitatanoj B, reprezentantoj de la Individuaj Membroj de UEA. Ni prezentas krome la starpunkton de UEA pri la UN-oa Tago de Familio, pasinta la 15-an de majo.
Muzike krom „Słowianki” en la elsendo akompanas nin Neide Barros Rego per fragmento de la brazila kanto „Familio estas ĉio”. La akompananta nian programinformon interreta foto prezentas Jagelonan Universitaton en Krakovo. La aktualaĵo, kulturkronikaj informoj kaj la felietino estas paralele legeblaj kaj aŭdeblaj en la unuopaj rubrikoj de nia paĝo.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 853-a E_elsendo el la 14.05.2019 ĉe www.pola-retradio.org

Hodiaŭ ni denove invitas por la trarigardo de la E-Gazetaro. Ĉi-foje ni proponas komune foliumi la martan/aprilan numeron de „La Lanterno Azia”, la 2-an numeron de „Esperantolehti” kaj la nunjaran „Konstruado – kajero de TAKE 2019”.
La komencaj aktualaĵoj informas pri enorme granda kvanto da SIM-kartoj, kiel atesto de la komunika revolucio, pri nova pola centro en Bruselo Business & Science Poland kaj pri kreiĝonta Papa Universitato de Johano Paŭlo la 2-a en Krakovo.
Kiucele plenkreskuloj lernu i.a.la ludon per muzikinstrumentoj klarigas nia sciencbultena temo.
Dank’ al Ĵomart kaj Nataŝa ni retrovas la iaman etoson en la brazila Bona Espero.
La akompananta nian programinformon interreta foto prezentas Centron de Johano Paŭlo la 2-a en Krakovo ĉe kiu kreiĝas la Papa Universitato.
La aktualaĵoj, la scienca temo kaj la „Trarigardo de la E-Gazetaro” estas paralele legeblaj kaj aŭdeblaj en la unuopaj rubrikoj de nia paĝo.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 852-a E_elsendo el la 11.05.2019 ĉe www.pola-retradio.org

Hodiaŭ ni invitas vin gesinjoroj al la nordorienta Pollando al la regiono Mazurio. Tie antaŭ 200 jaroj vivis kaj aktivis la heroo de nia felietono batalanta por la lingvaj rajtoj de ĝiaj loĝantoj Gustaw Herman Marcin Gizewiusz.
La komencaj kulturkronikaj informoj rilatas al la pasinta 200-a naskiĝdatreveno de la pola komponisto, Stanisław Moniuszko. Muzike akompanas ĝin la ario de Armilzorganto el lia opero „La fantoma nobeldomo” en la plenumo de pola baritonulo, Remgiusz Kossakowski. Ĉi tiu arkiva surbendigo devenas el la 1959-a jaro. Plia kulturkronika informo koncernas la nunjarajn planojn savontajn en la regiono de Krakovo la ĉevojajn historiajn kapeletojn kaj aliajn malgrandajn kultolokojn.
En la E-komunumaj informoj ni sciigas pri i.a. baldaŭaj koncerto kaj enscenigoj de la opero „Sternenhoch” en Esperanto en la ĉeĥaj Frydek Mistek kaj en Ostrava. Ni informas krome pri la programo de la Internacia Kongresa Universitato en Lahti dum la 104-a UK en ĉi tiu urbo (https://uea.org/teko/iku/2019; https://uea.org/teko/Scienca_kafejo/2019).
La akompana al la programinformo foto prezentas la kreinton de la pola nacia opero Stanisław Moniuszko. La kulturkronikaj informoj kaj la felietono estas paralele legeblaj kaj aŭdeblaj en la unuopaj rubrikoj de nia paĝo.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 851-a E_elsendo el la 07.05.2019 ĉe www.pola-retradio.org

En nia hodiaŭa programo ni proponas sekvi la intrigon de la romano „Quo Vadis” de Henryk Sienkiewicz en la E-traduko de Lidia Zamenhof. Ĉi-marde aŭdiĝas ĝia 81-a fragmento.
La komencaj aktualaĵoj rilatas al opinisondadoj pri la preferata de poloj familimodelo, pri la pritakso de la pola membriĝo en la Unio kaj pri la stato de demokratio en Pollando.
La sciencbultena temo koncernas iom nekredeblan informon pri la saniga efiko de apenaŭ 20-minuta kontakto kun la naturo.
Hodiaŭ ni proponis por la komuna aŭskultado fragmenton de la kanto „Vento rozon”, el la KD „EsPo Bosniumas” kreiĝinta en kunlaboro inter Vinilkosmo kaj Espo Despo.
La akompana al la programinformo foto prezentas la ĉirkaŭantan nin naturon. La aktualaĵoj kaj la sciencbultena temo estas paralele legeblaj kaj aŭdeblaj en la unuopaj rubrikoj de nia paĝo.
La elsendo estas aŭskultebla krome en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

La 850-a E_elsendo el la 03.05.2019 ĉe www.pola-retradio.org

La komenco de nia elsendo entenas ampleksan informparton plektitan de muzikcitaĵoj okaze de la festotagoj, kiujn oni solenis en Pollando komence de majo. Temas pri la 1-a de majo, la 15-jariĝo de la pola membreco en la Eŭropa Unio, Tago de la Pola Flago kaj la 3-Maja Konstitucio 1791.
La kulturkronikaj informoj rilatas al la prahistoriaj materialaj spuroj en Varsovio viziteblaj kun geologo, kiujn eblas sekvi ankaŭ interrete – https://zywaplaneta.pl/warszawa kaj al riĉa koncerta repertuaro de la ensemblo de kanto kaj danco „Śląsk” (Silezio).
En la E-komunumaj informoj ni sciigas pri la aprila surbendigo de la E-Himno fare de la Sankt-Peterburga Guberniestra Simfonia Orkestro kaj citas ĝin fragmente – dank’ al afableco de profesoro Josef Haazen. La alia informo rilatas al la literatura konkurso de la Podlaĥia Libraro kaj Bjalistoka E-Societo „Esperanto ligas homojn”. En 2019 oni atendas rakontojn dediĉitajn al la temo „Mi estas civitano de la mondo”.
En la fino ni invitas por la leterkesta renkontiĝo.
La akompana foto prezentas  momenton de la hisado de la Pola Flago ĉe la turo de la Reĝa Kastelo en Varsovio. La kulturkronikaj  informoj estas paralele legeblaj kaj aŭdeblaj en la koncerna rubriko  de nia paĝo. La elsendo aperas ankaŭ en la jutuba kanalo Espero2009 – https://www.youtube.com/results?q=pola+retradio&sp=CAI%253D

Play

La 849-a E_elsendo el la 30.04.2019 ĉe www.pola-retradio.org

Hodiaŭ nia antaŭmikrofona gasto estas Viktor Lagutin el Rusio, kiu ekde novembro 2018 estas E-volontulo en Bjalistoko. Pri lia laboro tie, akiritaj spertoj, sed ankaŭ esperantistiĝo kaj pliaj planoj ni interparolas antaŭmikrofone.
La komencaj aktualaĵoj rilatas al la uniaj decidoj pri malpermeso de malsamkvalita produkto de la sama marko en diversaj uniaj landoj kaj pri la deviga (necedebla al la patrino) dumonata poreduka forpermeso de la uniaj patroj.
Nia sciencbultena temo prezentas opiniojn de arkoleogoj pri la efektiva kristaniĝo de la pola popolo en la kunteksto de la nova nacia festo pri la Bapto de Pollando (14.04)
Muzike ni memorigas kanton el la KD „Bjalistokaj Prezentaĵoj” eldonita lige kun la Universala Kongreso 2009, „La valso antaŭ la spegulo”.
La akompana foto prezentas la eniron en la kafejon Esperanto en Bjalistoko, kie okazas lingvokursoj, gvidataj ankaŭ de nia hodiaŭa interparolanto.
En la unuopaj rubrikoj de nia paĝo estas  paralele legeblaj kaj aŭdeblaj  aktualaĵoj kaj la sciencbultena temo.  En la rubriko Antaŭ nia mikrofono aŭdiĝas aparte la interparolo kun Viktor Lagutin. Nia elsendo troviĝas ankaŭ en la jutuba kanalo Espero2009 –  https://www.youtube.com/results?q=pola+retradio&sp=CAI%253D

Play

La 848-a E_elsendo el la 26.04.2019 ĉe www.pola-retradio.org

La heroo de nia nunsemajna felietono pri Koninda Polo estas Antonina Leśniewska, pioniro de la virina farmaciista profesiado.
Informoj de nia kulturkroniko koncernas la baldaŭan ekkonstruon de la nova Muzeo sur la batalkampo ĉe Grunwald (1410) kaj la majan viziton de la japana koruso Sakura, kiu koncertos en Krakovo omaĝe al la 100-jariĝo de la polaj-japanaj diplomatiaj rilatoj.
La E-komunuma segmento koncernas la lastan sesion de BEL-konferencoj en Brazilo kaj komenciĝontajn en la unuaj tagoj de majo tri E-kongresoj en la hispana Malago.
En la fino ni proponas leterkestan renkontiĝon.
Muzike akompanas nin Merlin per la kanzono „Mia vojo”.
La akompana al la programinformo foto prezentas la heroinon de nia felietono. En unuopaj rubrikoj estas konsulteblaj paralele aŭdeblaj kaj legeblaj kulturkronikaj informoj kaj la felietono. Nia elsendo aperas ankaŭ en la jutuba kanalo Espero2009 – https://www.youtube.com/results?q=pola+retradio&sp=CAI%253D

Play

La 847-a E_elsendo el la 24.04.2019 ĉe www.pola-retradio.org

Post kelka paŭzo denove en nia hodiaŭa programo aŭdiĝas Trarigardo de la E-Gazetaro. Ni foliumas en ĝi la aprilan kaj martan numerojn de „La Revuo Orienta”, la aprilan numeron de la reta „Novaĵoj Tamtamas” el la japana Johohamo, La Informilon 185 de Espéranto France-Est kaj la printempan numeron de la bulteno „Frateco” el Pollando.
La komencaj aktualaĵoj rilatas al la kortbirda produktado en la Unio kaj la avana ĉi-rilate loko de Pollando, al la lastatempe formulitaj opinioj pri Pollando en eŭrosfero kaj pri kandiatigo de la finna saŭnokulturo al la listo de la monda kulturheredaĵo de Unesko. La sciencbultena temo rilatas al polaj esploroj pri la enigmo de la antikva egipta fajenco. 
Muzike akompanas nin la poemo de Liven Dek, t.e. Miguel Gutiérrez Adúriz „Ajnaj floroj”. Plenumas ĝin la hispana muzikgrupo Beev Rations, kantas Álvaro Amarante Sánchez. Eblas ĝin senpage aŭskulti aŭ deŝuti en pli bona kvalito kontraŭ malpli ol 1 eŭro: https://beevrations.bandcamp.com/track/ajnaj-floroj. La programinformon akompanas foto prezentanta fajencaĵon el la periodo de la antikva Egipto.
La aktualaĵoj, sciencbultena temo kaj la trarigardo estas paralele legeblaj kaj aŭskulteblaj en la unuopaj rubrikoj de nia paĝo. La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play